Sidan starten i 1973 har SKRUK med sin dirigent Per Oddvar Hildre (Prots) formidla musikk og tolkingar, sprengd grenser og bidratt til eit meir ope og tilgjengeleg kyrkjerom for mange.
Koret er drive som ein ideell organisasjon og består av 50 songarar frå heile Noreg. Aktiviteten er prosjektbasert og koret møtest 4 helgar i løpet av året i tillegg til ei lengre sommarsamling.
SKRUK har som visjon at musikken og stemmene våre skal bidra til å bygge bru mellom menneske, på tvers av kulturelle, religiøse og musikalske ulikheiter.
