Helga 23. – 25. mai blir det konsertar i Møre og Romsdal, nærare bestemt Molde domkirke fredag 23 kl 21.00 og Nesset kirke laurdag 24 kl 15.00. Vi har med oss eit knippe songar som speglar dei 52 åra koret har eksistert.

Billettar til desse to konsertane ligg på ebillett.no/skruk

Søndag 25. skal vi vere ein del av programmet på Vårsøghelga og skal ha ein konsert saman med Henning Sommerro og John Pål Inderberg i tillegg til Trio Mediæval og Arve Henriksen. Den konserten blir i Stangvik kyrkje kl 1300 og har fått tittelen «Stemmeprakt». Billettar til konserten finn ein her

Dirigent er som alltid Per Oddvar «Prots» Hildre.

Etter mange års planlegging, og etter ei lang utsetjing (pga pandemien) vart endeleg turen til Madagaskar ein realitet 21. mars til 4. april i 2024

Det aller første møte med våre vener frå Madagaskar; nærare bestemt militærkoret LOVA og Anders Rønningen – var sommaren 2014 i Oslo. I 2019 møttest vi igjen, og hadde då konsert saman under Olavsfest i Trondheim. Ideen om å besøke Madagaskar vart enno meir verkeleg etter det, og då Anders også fekk plass i 1. bass-rekka i koret fekk planane fart på seg. Etter svært mykje arbeid, ikkje minst av Anders, styreleiar Ingeborg, den lokale norsktalande agenten; Hasina og eit godt samarbeid med NMS på plass, gjekk altså ferda til verdas fjerde største øy, den afrikanske øyrepublikken i Det indiske hav: Madagaskar!

(meir…)